يومياتي

السلام عليكم ورحمة الله وبركاته شلونكم عساكم بخير دوم يارب وسعادة وصحة وعافية عاد من فترة جوني خطاب ترى كل بنت يجونها خطاب المهم كالعادة ماصار نصيب شر وربي صرفه عني لاني ما ارتحت بعد الاستخارة مع ان اهلي بينهبلون يقولون منتي صغيرة وبنات عمتك اللي اصغر منك كلهم أعرسوا عاد بتكلم في موضوعين موضوع ينقسم لقسمين او ثلاث أقسام وموضوع ثاني الموضوع الاول الزواج القسم الاول اعتبار ان حنا بمسابقة واللي تتزوج اول وتربح وَذَا مفهوم خاطىء القسم الثاني  الشباب والبنات والمواصفات الخاطئة لفارس وزوجة الأحلام مبنية عالاسلام الرومانسية ما احب الا الوسيم ماتحب الا عارضة الأزياء الجميلة وعادي كل بنات السعودية دين واخلاق كان اول الحين بيت واحد وأخوات من ام وأب ويختلف مستوى الاخلاق والدين  من وسائل تواصل اجتماعي الى تلفزيون وتأثيره المؤسف عالعقول والقسم الثالث صعوبة الزواج اول ماكان فيه شي يحرض. عالتفلة والزواج أسرع سريع الحين المفروض بنخاف عالعرض والشرف كمسلمين انتشار المقاطع الاباحية بحسابات تويتر وسط هاشتاقات مالها دخل كثرانة ومع ذلك تعقيدات كثيرة وتطويل السالفة من باب لا مانبي يقولون ماصدقنا على الله نزوج بنتنا الرغبة والحاحها مايعرف وقت يجب الإسراع بتلك المواضيع حنا بعصر السرعة وانترنت وسيارات وموضوع مثل ذَا يايمر ببطء شديييد يارفض بسبب تافه بسرعة البرق جانب اخر سارقين السعادة يحاربون اللي تبي تتزوج سواء كانت مراهقة او طالبة جامعية او منتصف العشرين او حتى منتصف الثلاثين واحد يحس برغبة جنسية ليش هو حر اصمتوا ياسارقين السعادة اللي يبي يتزوج يتزوج لكن مو الزواج سبب بتعطيل دراسة او وظيفة المفروض كذا النصيحة القوامة عالرجال نعم لكن مابيعطيك ماتعطيك  الوظيفة من ملء وقت فراغ وشغل بالك بما يفيد ومبلغ وقدره مهما كان مابيقل عن الف ريال اعتقد لو وظيفةمو بتجارة على أساس حرية لك تصرفينهم على نفسك بلا مايحاسبك عليهم احد لانه من عرق جبينك وانتي حرة الموضوع الثاني نسيته من كثر الهذرة امحق كاتبه😂😂😂😂😂😂😂😂😂😂😂😂عذرا عالاطالة اراكم على خير فمان الله

يومياتي

السلام عليكم ورحمة الله وبركاته ان شاء الله تكونون بأمان وصحة وسعادة وخير اسفة بطيت عنكم اليوم الحمد لله  صحتي احسن لكن ما زال انتفاخ بسيط جدا بعيني اليسار خالتي وهي تسولف مع امي بالتلفون  تقول لها ان جدي وهو بغرفته  لحاله محد كان معه موجود غنى انشودتي المفضلة وانا صغيرة ياجدة يالمودة اعطيني ابدقه ادق حيمراني ياخالي يادلالي يامقلدي وازاري لاتاخذ بدوية تجيب عليك بنية توديك لاهلها تركبك جملها يا اهلها ياشواوي وبسيسهم يماوي عاد بسبب خلاف شخصي بيني وبين خالاتي لأنهم فاهمين ان عشان هم خالاتي اكبر مني فيحق لهم ضربي وإهانتي عشان يحسون ان شخصيتهم قوية كنت طفلة ومراهقة وشابة بريعان الشباب ارفض عالاسلوب المريض عقليا ونفسيا عمري ماسمحت  لهم بضربي او توجيه اهانة لي لفظيا مما دفعهم بتحريض الناس ضدي وإطلاق شائعات ومحاولة التفريق بيني وبين امي واهلي لكن مبدأي في الحياة ان عدم إعطاء الظالم أهمية او فرصة يحس فيها بالانتصار والسعادة علي فكان ردي انقطاعي عن زيارتهم أسبوعيا والاكتفاء بزيارتين عيد فطر واضحى لانه لايدخل الجنة قاطع رحم صدق الرسول الكريم ومن ناحية صلاتي وعبادتي ابيها ترفع لله لو قاطعوهم نهائيا اخاف أعمالي ماترفع الى الله اليوم زرته سلمت عليه بدت عليه الفرحة والسعادة لمن استأذنت بالخروج بعد ١٠ دقايق بكى ودمعت عينه لفرقاي وعدته بزيارة كاملة الجمعه القادمة خرجت وبوجهي على محل تمرية ياعليهم بسكوت ياعليهم شوكولاته وتمرية قشيت من كل شي لذيذ الحساب ٣٥٠ ريال ومريت كنتاكي جبت عشا لي ولاهلي  رجعت شفت انا كورنوفيكافلم عسى اهلي يوفون بوعدهم لي ويودوني  مكتبة العبيكان بقلب الطايف مول اشتري كم كتاب مريت مهرجان الأسر المنتجة قبل كم يوم لقيت لي شاب الله يصلحه الكتب المغبرة المشققة يبيعها بأغلى من سعرها بجرير والعبيكان مع ان محد فكر يمر عليه الا انا اجل يبيع كتاب بحالة سيئة جدا ب٦٥ ريال لمن اناقشه يقول لي كتب كويسة وحلوة عطيته ظهري وعالسيارة لقيت قد شعر راسي ماركة مكياج ذَا بالم شدوات وبلشرات طبعا تقليد هذا كل شي لليوم فمان الله تصبحون على خير

يومياتي

السلام عليكم ورحمة الله وبركاته اعتذر عن الغياب لظروف صحية كنت أعاني من الم في ظهري والحين عيني فيها كيس دهني عافاكم الله ومريت بحالة نفسية صعبة جراء ذلك اتمنىً آتكم تكونون بخير وصحة وعافية اليوم الحمد لله شوي تحسن ان شاء الله أتعافى وما احتاج عملية ادعوا لي الله يحفظكم المهم لاحظت بالفترة الاخيرة هبه جديدة تهكير حساب الهوامير الانستغرام اللي عندهم مليون وفوق متابع ومدري ليش قلبي يقول لي عساه مخطئ ان مو تهكر الحساب لكن انباع نظرا لحاجة صاحب الحساب احساس ملقوف ادري أدور اي فكرة تشغلني عن مرضي عاد متضايقة لان قناة فوكس موفيز صارت باشتراك وتطبيقهم مو راضي ينزل عندي لان يبي لهم حساب كندي بابل وحسابي سعودي ف مابيتحمل التطبيق على سطح مكتب ايبادي شفت لي فلمين رعب فلم mama وفلم woman in the black 1.2 مو مرة يخوفون عاد فيه فلم مادحينه انتاج ٨٩ مو  متذكرة من اسمه الا the crowd فلم يحكي قصة من القرن قبل الماضي جميل جدا الكل عندي بالسناب مدحوه ناوية اني اقسم حساباتي كالتالي هنا يومياتي وبرنامج الوورد بريس مقالات والبلوق لوف ان ريفيو عن الكتب عشان اللي يتابعني بس يبي ريفيو الكتب يلقى اهتماماته وكذا اللي يبي يوميات ومقالات ان شاء الله للمدونه القادمة بحفظ الله ورعايته فمان الله